القائمة الرئيسية

الصفحات

أخر الأخبار

هاشتاغ خلي الدراعة لأهلها :العنصرية بطرف ديال الثوب(الرد الصاروخي بالدارجة المغربية من طنجة لگويرة )

 


اسرار بريس : السباعي مكتب تارودانت (صفحة السمارة الان)

بعجالة... أذناب الجبهة و من والاهم من العنصريين لي كايسميو المغاربة بالشلوح رافعين تشالنج #خلي_الدراعة_لأهلها ... زعما مابغاوش المغاربة يقربو للباس المحلي ديالهم!! 

1_أول حاجة مع احترامي الصحراويين الوحدويين لكن الدراعة ماشي ماركة مسجلة بإسم الصحراويين! لأن الصحراويين لي هما الحسانيين ما جاو للمنطقة حتى لمطلع القرن 18م ، و الدراعة بإختلاف مسمياتها كانت قبل ذلك موجودة فالصحراء مع أهل الصحراء الأصليين صنهاجة الملثمين لي الجيل الثالث ديالهم حاليا هما الطوارق مزال كايلبسوها ، و سيرو قراو كتاب " نزهة المشتاق في اختراق الأفاق " 

 ديال الإدريسي فالشق ديال وصف سكان نول لمطة (واد نون الحالية) و ردو عليا ...


2_ثانيا الدراعة ماشي الصحراويين بوحدهم لي كايلبسوها ، بحيث كايلبسوها قبائل الهوسا فجنوب الصحراء و كايقول ليها babban riga  ،و كاليبسوها قبائل الوولوف و كايقولو ليها mbubb ولا boubou ، كايلبسوها قبائل اليوروبا و كايقولو ليها agbada ، كايلبسوها الطوارق الأمازيغ و مسمينها K'sa ولا gandoro ، و كايلبسوها فموريتانيا و كانو مسمينها مليكة مع تفخيم الميم بالشدة , يعني كالم طوا راه دراعتك هي تقليد ف13 أمة أفريقية سوداء أصلية ماجاتش فالتغريبة الهلالية!!..... 



 و حتى دراعتك لي شريتيها فلعيون ولا الداخلة راه الثوب ديالها "أزبي" (أزبي اسم أفخر أنواع ثوب الدراريع 😐) جاك من موريتانيا و السينيغال عن طريق كاميو سايݣو  شلح مغربي جاي بيه من الݣرݣارات!! سو ريلاكس برو!! ... الشعوب العريقة كتفرح منين كتشوف موروثها الثقافي انتشر لكن واحد عندو زوج ميترو دتوب بغا يدير لينا على ودها نعرة عنصرية... هزلت..

الصورة لمحمد بخاري ضارب دراعة... قولو ليه يحطها ...

#أندروميدا

تعليقات